Problemet posturale te fëmijët dhe adoleshentët

Shumë prindër vënë re që fëmija i tyre rri i kërrusur, me shpatulla përpara ose me kokën të zgjatur drejt telefonit. Korrigjimi postural te fëmijët synon t’i ndihmojë ata të kenë një qëndrim më të mirë dhe muskuj më të fortë, në një periudhë kur trupi po rritet me shpejtësi.

Problemet më të shpeshta posturale te fëmijët dhe adoleshentët janë:

  • shpatullat e rrumbullakosura dhe shpina e kërrusur (kifozë posturale);
  • koka e mbajtur përpara, sidomos nga përdorimi i gjatë i ekraneve;
  • lakimi i shtuar i mesit dhe barku i dalë përpara (hiperlordozë);
  • asimetri e lehtë e shpatullave ose e legenit.

Shkaqet lidhen shpesh me orët e gjata ulur në shkollë dhe para ekraneve, me çantën e rëndë, me aktivitetin fizik të pakët dhe me rritjen e shpejtë, kur muskujt nuk arrijnë të ecin me të njëjtin ritëm si kockat.

Postura "e keqe" apo problem strukturor?

Është e rëndësishme të dallojmë dy gjëra. Problemi postural funksional lidhet me zakonet dhe me muskujt, dhe fëmija mund ta korrigjojë qëndrimin kur i kërkohet. Problemi strukturor, si skolioza ose kifoza e Scheuermann-it, lidhet me ndryshime të vetë shtyllës dhe nuk korrigjohet thjesht duke u drejtuar.

Shenja që duhen vlerësuar:

  • njëra shpatull ose njëri ijë duket më i lartë;
  • kur fëmija përkulet përpara, njëra anë e shpinës del më shumë;
  • kërrusja nuk zhduket kur fëmija përpiqet të drejtohet;
  • fëmija ankohet shpesh për dhimbje shpine.

Si punojmë në PhysioLife

1. Vlerësimi postural. Fizioterapeuti vlerëson qëndrimin në këmbë dhe ulur, lëvizshmërinë e shtyllës, fleksibilitetin dhe forcën e muskujve, si dhe zakonet e përditshme të fëmijës. Nëse dyshojmë për problem strukturor, ju drejtojmë te mjeku ortoped për ekzaminime të mëtejshme.

2. Program ushtrimesh. Me terapi ushtrimore punojmë për forcimin e muskujve të shpinës, të barkut dhe të vitheve, për zgjatjen e muskujve të ngurtësuar (p.sh. të gjoksit dhe të pjesës së pasme të kofshës) dhe për ndërgjegjësimin e trupit. Ushtrimet përshtaten sipas moshës, që të jenë tërheqëse për fëmijën.

3. Zakonet e përditshme. Bashkë me ju shohim si ulet fëmija kur mëson, si e mban çantën, sa kohë kalon para ekraneve dhe si mund të shtojë lëvizjen gjatë ditës. Ju japim këshilla praktike për tavolinën dhe karrigen në shtëpi.

4. Sporti. Ju këshillojmë për aktivitete që e ndihmojnë posturën, si noti, gjimnastika ose sportet me top.

Çfarë të prisni si prind

Postura nuk ndryshon brenda natës. Përmirësimi vjen kur ushtrimet dhe zakonet e reja bëhen pjesë e jetës së përditshme, prandaj mbështetja juaj në shtëpi është shumë e rëndësishme. Zakonisht e rishikojmë fëmijën çdo disa javë dhe e përshtatim programin. Për të rriturit kemi edhe shërbimin e korrigjimeve posturale për të rritur.

Pyetje të shpeshta të prindërve për posturën e fëmijëve

Mund të vlerësohet në çdo moshë kur keni shqetësime, por periudha para dhe gjatë pubertetit ka rëndësi të veçantë, sepse rritja është e shpejtë.

Për problemet funksionale zakonisht jo. Muskujt forcohen me ushtrime aktive, jo duke u mbështetur te një mjet. Korseja përdoret vetëm në raste të caktuara strukturore dhe vendoset nga mjeku ortoped.

Një çantë shumë e rëndë ose e mbajtur në një sup mund të shtojë lodhjen dhe dhimbjen. Këshillojmë ta mbajë me të dy rripat, afër trupit dhe vetëm me gjërat e nevojshme.

Zakonisht disa minuta në ditë në shtëpi, bashkë me seancat e kontrollit. Rregullsia ka më shumë rëndësi se kohëzgjatja.

Jo domosdoshmërisht. Më e dobishme është të kufizohet koha e gjatë pa lëvizje, të bëhen pushime të shkurtra dhe ekrani të vendoset në lartësinë e syve. Lëvizja gjatë ditës ka rëndësi më shumë se ndalimet.

Shërbime dhe artikuj të lidhur

Rezervoni një vlerësim

Na telefononi ose na shkruani në WhatsApp. Gjejmë një orar që ju përshtatet dhe e vlerësojmë rastin tuaj nga afër.

E Hënë–E Premte 09:00–20:00 · E Shtunë 09:00–14:00 · Rruga Andon Zako Çajupi 24, Tiranë

Telefononi +355 68 278 2222
Shkruani në WhatsApp

Ky informacion është i përgjithshëm dhe nuk zëvendëson ekzaminimin mjekësor.